Iranimiut tusintilikkaat Iranimi sakkutuut naalagaanertaat toqutaasup, Qassem Soleimanip ilisaanerani eqqaaniarlugu ingerlaaqatigiipput. Tysklandillu Irakimi sakkutuuni USA-p Iranillu eqqissiviilliortitsillutik aaqqiagiinngimmata angerlartittussanngorpai.Assi: Ritzau Scanpix

Tysklandip Irakimi sakkutuuni angerlartittussanngorai

Tysklandip Irakimi sakkutuuni 120-usut angerlartittussanngorpai.

Illersornissamut ministeri, Annegret Kramp-Karrenbauer, nunanullu allanut ministeri, Heiko Maas, ataasinngornerup unnuaani taama nalunaaruteqarsimasut, tyskit aviisiata Der Spiegelip allaaseraa.

AAMMA ATUARUK Stoltenberg Nato-p ataatsimeereernerata kingorna: Aaqqiiagiinngeqatigiinneq sakkukillisariaqarpoq

Tyskland sakkutuuminik Irakimi sakkutuunut iligiinnut amerikamiunit siulersorneqartunut aallartitaqarpoq, sakkutuullu iligiit taakku Islamisk Statimut akiuisuupput. Danmarkip sakkutuuminik 130-nik sakkutuunut iligiinnut taakkununnga aamma aallartitaqarpoq.

USA-li dronemik qaartartumeeraluni tallimanngornermi saassussinerani Iranimi sakkutuut naalagaanertaat, Qassem Soleimani, toqutaanerata kingorna Tysklandip Irakimi sakkutuuni angerlartittussanngorpai. Tamatuma kingorna Iranip USA-mut akiniaanissani kalerriutigaa.

AAMMA ATUARUK Soleimanip kingoraartaata USA-mut akiniaanissartik neriorsuutigigaa

Nunalli tamalaat Irakimi sakkutuui tamarmik angerlartitaanissaat USA-mit aalajangerneqarsimasoq amerikamiut nutaarsiassaqartitsivippaaluisa ataasinngornermi ilisimatitsissutigereeraallu Tysklandip sakkutuuminik angerlartitsisussanngornini nalunaarutigaa.

Tamannali allakkanik nassiussisoortoqarsimaneranik pissuteqarporooq.

USA-li Irakimi sakkutuuminik angerlartitsinissaminut pilersaanngitsoq, USA-p illersornissamut ministeria, Mark Esper, Reutersimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat