Tysklandimiut marluk qajaarserput
Tysklandimiut takornariat marluk Nallortup nuuani, Savissiviup kangimut 35 kilometerisut ungasitsigisuani, marlunnik qajaarserput. Qaannat marluk sungaartumik aappaluartumik aamma tungujortumik qalipaatillit atortui tamarmik atasut qajaarserneqarput.
Takornariat Upernavimmiit Qaanaap tungaanut qajartorlutik juunip 28-anni aallarput. Juulillu 19-ianni Savissiviup kangiani Nallortup nuuani unnuisillutik qajaarserput.
Allattoq Oline I. Olsen
juulip 22-at 2009 10:33
Marcus Ziebell Tysklandimeersup ilimagaa unnuakkut ulinnerani qaannat saavigussaasimassut.
Savissiviup Nallortullu Nuuata eqqaani angalaartut qaannanik saavigussaasimasunik siumuissagaluarpata ernumannginnissaat neriuutigineqarpoq, tassami qajaarsersut ajoratik maanna Savissivimmut tikittut, Savissivimmiut ilaat Hans Berthelsen oqarpoq.
Qaannat taakku marluk nassaarineqassagaluarpata imaluunniit atortorissaarutaasa ilaat siumorneqassagaluarpata, Upernavimmi qaannanik attartortitsisartoq Nikolai Sørensen attavigineqarnissaa kaammattuutigineqarpoq.
