Ajoqusertut meeqqanik ilaqartut, Tysklandimi nutaarsiassaqartitsiviit allapput. Biilimik aquttoq piaaraluni inuit akornisigoorsimagunartoq, pisumik isiginnittut oqaatigaat.Assi: Elmar Schulten/AFP/Ritzau Scanpix

Tysklandimi politiit: Inuppassuit biilimik aportinnerminni ajoqusertut

Tyskisut innuttaassusilik 29-nik ukiulik biilerluni Hessenimi inuppassuit akornisigoorpoq. Inuppassuit ajoqusersimasut, Tysklandimi politiit oqaatigaat.

Tysklandimi illoqarfimmi Volkmarsenimi Hessenimiittumi biili inuppassuit karnevalertut akornisigoormat inuit amerlasuut ajoquserput.

Tysklandimi politiit oqarnerat naapertorlugit inuppassuit aquserput.

Biilimik aqutttoq Volkmarsenimi inunnik amerlasuunik apuereernerata kingorna tigusarineqarpoq.

Isumannaallisaanermik suliallit kinaassutsiminnik taasinngitsut oqarnerat naapertorlugu, tigusarineqartoq 29-nik ukioqarpoq tyskisullu innutaassusseqarluni, nutaarsiassaqartitsivik dpa allappoq.

Tysklandimi sumiiffinni allani biilimik saassuseqqittoqarnissaa ilimagineqassanngitsoq, Tysklandimi politiit oqaatigaat.

Karnevalernerup nuannerseruttorfigisartagaani "Rosenmontag"-imik taaneqartartumi taama pisoqarpoq.

Pisumik isiginnittut: Biilertoq sukkalisaarpoq

Pisoq biilimik piaaraluni saassussinertut ilimagigitsik, Tysklandimi politiit oqaaseqartartut kinaassutsiminik taasinngitsoq tyskit aviisiannut Blidimut oqarpoq.

Ajoqusertut meeqqanik ilaqartut, Tysklandimi nutaarsiassaqartitsiviit allapput. Biilimik aquttoq piaaraluni inuit akornisigoorsimagunartoq, pisumik isiginnittut oqaatigaat.

Biilimik aquttoq piaaraluni meeqqanik apuiniarsimagunartoq, nittartakkakkut nutaarsiassaqartitsiviup HNA-p pisumik isiginnittut taama issuarlugit allappoq.

Biili siilvitut qalipaatilik unitsinnissaata tungaanut inuppassuit ingerlaaqatigiit akornisigoorsimasoq, pisumik takunnittut Tysklandimi radioqarfimmut oqarput.

- Pisumik takunnittut oqarnerat naapertorlugu biili sukkalisaarluni aqqusinikkut assersukkatigoorsimasoq, tyskit aviisiat Frankfurter Rundschau allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat