Tyskit pinerluuteqarsimasut tigusariaqarlutillu eqqartuussivilersuunneqarsinnaalerput

aggustip 04-at 2006 10:41

Tyskit pinerluuteqarsimasut Europami nunanut allanut nuussimasut Tysklandimi inatsisit allanngortinneqarnerisa kingorna tigusarineqarsinnaalerput eqqartuussivilersuunneqarsinnaalerlutillu.

84-nik ukiulik, tyskisut innuttaassusilik, nazisteq, Søren Kam, Lyngbymi politiit tamannarpiaq tunngavigalugu Tysklandimut aappassaa tunniunniarsarinialerpaat.

Aviisimi aaqqissuisup, Carl Henrik Clemmensenip, ukiut 43-t matuma siorna, sorsunnersuup kingulliup nalaani, aallaruteriarlugu Lundtoftimi toqutaanera Søren Kamip peqataaffigaa. Søren Kamip imminut illersorniarluni aaqqissuisoq arlaleriarlugu aallaasimanertarpaa.

- Søren Kam tigusaaniassammat tigusaanissaanut allagartamik nutaamik nassiussilerpugut. Tysklandimi inatsisit nutaat naapertorlugit Søren Kamip tigusarineqarnissaanut periarfissaqarpoq. Tyskilli tamatuminnga aalajangiissapput, politimester Arne Stevns oqarpoq.