Tyskit nunarput tapersersulerniarpaa

Arferit pillugit kingullermik Anchoragemi ataatsimeersuartoqarmat, Kalaallit arfattassaat pillugit, Tyskit akerliusunut ilaapput. Tyskit forbundskansleriata Angela Merkelip Ilulissanut tikeraarnerata kingorna, Tyskit akerliunerat allanngornialerunartoq, naalakkersusut siulittaasuat Hans Enoksen oqarpoq.

- Nunap inuiisa piniariaasiannik paasinnilerunarluni, Angela Merkel tapersersuiniarluni neriorsuivoq, aningaasarsiutigaluguli arfanniartarnermik akerliunini Merkelip erseqqissarpaa. Taamaakkaluartoq Angela Merkel aamma erseqqissaavoq, Tysklandimi tunuliaqutaasut aamma paasitinniarneqaqqaassasut.

Naalakkersuisut siulittaasuat oqarpoq.

- Kalaallit nunaannut tikeraarluni nunanit allaneersunik takusaatitsineq, paasinnitsitsilersinnaavoq. Soorlu Kalaallit Nunaanni inooriaaseq aamma takutinneqartoq, Anders Fogh Rasmussen oqarpoq.

Statsministerip aamma erseqqissarpaa, puisit amiinik tunisassiortarnernut Tysklandimi akerliusut isumaanik allannguititsiniarsarissalluni Angela Merkel neriorsuisoq.