Tyskit angutit marluk ukiortaami Jochbergimi qaqqasiornerat annaassiniarfiorujussualersoq
Angutit marluk Bayernimi qaqqap qaavani ukiortaamik nalliuttorsiornerat annaassiniarnermik, ikuallattoqarneranik, qatserisartut hunnorujut qulimiguullillu arlaqartut innermik qamitsiniarnerannik kinguneqartoq, tyskit nutaarsiassaqartitsiviat allappoq.
Allattoq Thomas Munk Veirum
januaarip 02-at 2017 15:12
Nutserisoq Connie Fontain
Angutit aappaa 32-nik aappaalu 36-nik ukioqartoq Jochbergip qaamanut imaniit 1550 meterisut puttortugisumut majuarsimapput. Angutini nukarleq 100 meterisut portutigisumit unnuap qeqqanngitsiartoq nakkarpoq niunilu napillugu.
Angutit ikiortissarsiorniarlutik ikumatitamik ikitsisimanissaat politiit ilimagaat. Ikumatitaq 100 hektarit missaanut siaruarluni ikuallatsitsilerpoq.
Qulimiguullit ikuallattumut qamitsitsiniutit arfineq marluk qamitsiniarnermut atorneqarput.
Ikuallanneq suli qaminneqanngilaq. Ullut arlallit qaminniarneqarsinnaasoq, oqartussaasut ataasinngornermi naatsorsuipput.
