- Naalakkersuisut atortulersuutinut, soorlu atuarfinnut napparsimmavinnullu tulleriiaaralutik saassussisaqattaarput. Tamanna inuiannik toqoraanermut aallartinnissarneruvoq, Tyrkiap præsidentiata oqaaseqartitaa Fahrettin Altun allappoq.Assi: Rami Al Sayed/AFP/Ritzau Scanpix

Tyrkiap saassussisoqareernerani timmisartoqaqqusaannginnissaa piumasarigaa

Nunarsuarmioqatitta sakkutuujunngitsut illersorlugillu Syriap ilaata silaannartaani timmisartoqaqqusaanissaa inerteqqutigisariaqarpaat, Tyrkia sinnerlugu oqaaseqartartoq oqarpoq.

Syriap ilaata Idlibip silaannartaani timmisartortoqaqqusaannginnissaa Tyrkiap piumasariniarpaa. Tyrkiamiut sakkutuui 33-t sisamanngornermi saassussisoqarnerani toqutaapput.

Syriami illersornissaqarfiup Tyrkiamiut sakkutuuinik saassussisuusut Tyrkiap oqaatigaa. Ruslandilli illersornissaqarfia Idlibimi qaammatini kingullerni aamma saassussisarsimavoq.

NATO-p aallartitai ataatsimiinnissamut aggersarneqarput, Idlibimi saassussisoqarnera ataatsimiinnermi eqqartorneqassalluni.

- Sakkutuujunngitsut illersorneqarnissaat nunat tamalaat suliniutigisariaqarpaat, Idlibip silaannartaani timmisartortoqaqqusaannginnissaa ilaatigut periarfissaasariaqarluni, Tyrkiap præsidentiata oqaaseqartitaa Fahrettin Altun Twitterikkut ilaatigut allappoq.

AAMMA ATUARUK Idlibimi qaartartut nakkaasut: Toqunikut ilivissaannik meeqqat assaasut

Syriap sakkutuui, Ruslandimit tapersersorneqarlutik, Idlibimi decembarimili saassussisaqattaarput.

Inuit 1 millioningajaat angelarsimaffimminnit qimaasariaqarsimapput.

- Sakkutuujunngitsut millionilikkaat silaannarmit qaammaterpaalunngortuni qaartartumeerfigitittaqattaarput. Naalakkersuisut atortulersuutinut, soorlu atuarfinnut napparsimmavinnullu tulleriiaaralutik saassussisaqattaarput. Tamanna inuiannik toqoraanermut aallartinnissarneruvoq.

- Nalunngeqatiginnissusillit naleqassusillillu oqaaseqaritsi, Altun taama kajumissaarivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat