Tyrkiap præsidentiata qimaasut millionikkaat EU-mut isertinniarai

Qimaasut Europamukartissinnaanngorlugit Tyrkiap killeqarfinni ammassagunigit aaqqissutaanavianngitsoq EU-kommissionip siulittaasua, Ursula von der Leyen, oqarpoq.
Qimaasunik Tyrkiamit imaatigut angallattunik amerlanerusunik qeqertanut Lesbosimut, Samosimut Chiosimullu qimaasunik ulikkaaqqareeqisunik, EU-mullu iserluarnissamut itigartitaareersunik tikittoqassaaq. Assi © : Sakis Mitrolidis/AFP/Ritzau Scanpix
Allattoq Ritzau
marsip 02-at 2020 15:36

Taamaattoqassasorli Tyrkiap præsidentia, Recep Tayyip Erdogan, oqarpoq. Taassumalu erseqqissaatigaa millionilikkaat pineqartut.

- Tyrkiap Syriamit qimaasut milliuunilikkaat pillugit ajornartorsiuteqarnera miserratiginngilara. Maannali takusarput akissutaasinnaananilu aaqqiissutaasinnaanngilaq, Ursula von der Leyen oqarpoq.

Erdoganip Europamut killeqarfik ammarniarlugu tallimanngormat nalunaarutigaa. Taamaattoqarmat qimaasut tuusintilikkuutaat Tyrkiap Grækenlandimut killeqarfianut tikiussorput.

AAMMA ATUARUK Erdoganip Europa qimaasorpassuaqalernissaanik mianersoqqugaa

Qimaasunik Tyrkiamit imaatigut angallattunik amerlanerusunik qeqertanut Lesbosimut, Samosimut Chiosimullu qimaasunik ulikkaaqqareeqisunik, EU-mullu iserluarnissamut itigartitaareersunik tikittoqassaaq.

Tyrkiallu præsidentiata qimaasunut Tyrkiamut unittooqqasunut 4 millionit missaanniittunut aqqutissiuussisoqarnissaa siunnersuutigaa.

- Hunnoruju-tuusitilikkuutaat killeqarfikkooreerput, ungasinngitsukkullu milliuunilikkuutaat taamaaliussapput, Erdogan tv-kkut oqalugiarnermini oqarpoq.

Reuters naapertorlugu, qimaasut 10.000-it Tyrkiap killeqarfiatigoorlutik ulluni kinullerni Grækenlandimukarniarsarisimapput. Taakku Grækenlandip killeqarfiani nakkutilliisunit Gassi qulliliornartunik atortunit utertinneqarput.

/ritzau/AFP