Nunanit allanit

Tyrkiamiut tunngaviusumik inatsimmut taasitinneqassasut

Tyrkiami tunngaviusumik inatsisissatut nutaamut siunnersuummut innuttaasut qaammatit marluk qaangiuppata taasitinneqassapput.
Assi © : AMISOM Public Information
Allattoq Ritzau
februaarip 12-at 2017 12:18

Qinersinermut oqartussat arfininngormat taama nalunaaruteqartut, Reuters allappoq.

Nunap inatsisartuini amerlanerussuteqartut tunngaviusumik inatsisip allanngortinnissaanut januaarimi akuersissuteqarnerata kingorna innuttaasut apriilip ulluisa 16-ianni taasitinneqartussanngorput. 

Innuttaasullu tunngaviusumik inatsisissatut siunnersuummut akuersillutik taasissappata, præsident Tayyip Recep 2029-ip tungaanut præsidentiuunnarsinnaanngussaaq. 

Præsidenti aamma peqqussuteqarsinnaanngussaaq, sukannersumik naalakkersuilernissamik nalunaaruteqarsinnaanngussalluni, ministerinngortitsisinnaassalluni, atorfilittanik qullersanik atorfinitsitsisinnaanngussalluni nunallu inatsisartuinik atorunnaarsitsisinnaanngussalluni. 

Tunngaviusumik inatsisissatut siunnersuummut isornartorsiuisut Erdoganip pissaaneqarpallaalersinnaanissaa aarleqqutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq