Tyrkiap Syriallu killeqarfigisaat.Assi: Ritzau Scanpix

Tyrkiamiut sakkutuui Syriamut isaasut

Tyrkiap sakkutuui kurderit sakkutuuinik, Syriap avannaani kangisissuani akiorniarlutik Syriamukarput.

Tyrkiamiut sakkutuui Syrimi nunami sakkutuut ilagalugit Syriap avannaata kippasissuanukartut Tyrkiami præsidentip, Recep Tayyip Erdoganip oqaatigaa.

Syriami nunap sakkutuui pikisitsiniaapput Tyrkiamit taperserneqartut.

Syriami illoqarfimmi Ras al Ainimi qassiiusunik qaartitserujussuartoqartoq timmisartumillu qulaavaasoqartoq, tv-qarfiup CNN Türkip nalunaarutigaa.

Kurderit pikisitsiniaanit, SDF-imit oqaaseqartartup sakkutuut timmisartuata inuinnaat saassussivigigai uiversitsisoqartorlu oqaatigaa.

Erdoganip Syriamiut Tyrkiamut qimarngusut angerlarsinnaalerniassammata Syriap avannaata kippasissuani isumannaatsumik pilersitsiniarluni oqaatigaa.

Sumiiffik taanna USA-p Syriami peqatigisaanit, pikisitsinianit SDF-imit nakkutigineqarpoq. SDF Islamisk Statip Syriami piuneerutsinneqarneranut peqataangaatsiarnikuuvoq.

Taamaakkaluartorli Tyrkiap kurderit sakkutuui peqqarniisaariniartutut taagorpai.

USA sumiiffimmi tassani sakkutooqaraluarpoq, Donald Trumpilli amerikamiut sakkutuui tunuartinniarlugit sapaatiummat nalunaarutigaa.

Tamanna amerikamiut kongressiinit, allaat Trumpip det Republikanske partimi parteeqataasanit kamaatigineqangaatsiarpoq. Præsidentilu USA-p Syriami peqatigisaanik sumiginnaanerarlugu.

Tyrkiap sumiiffimmi sakkutooqarnermik suliaqarnini unitsissagaat EU-p piumasaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat