Tyrkiamiut sakkutuui Irakimit aneqqipput
Tyrkiami oqartussat oqarput kurderit avissaartitsiniatut isigisat sakkulersorluni saassunneqartariaqarsimasut, killeqarfiup eqqaanni najugaannit qimagutitinniarlugit.
USA-p nunanut allanut ministeria Condolezza Rice Kirkuk-imut ippassaq tikeraarpoq, illoqarfik taanna kurderinit, araberinit turkmenerinillu najugaqarfigineqarpoq.
Rizep Kurdistanip præsidentia Massud Barzani Bagdadimi ataatsimeeqatigisussaasimagaluarpaa, Barzanili piumasimanngilaq, USA-p tyrkiamiut saassussinerannut illersuinera pillugu.
Kurderit Kirkukimi uuliaqarfissuarmi oqartussaalerumagaluarput, illoqarfimmi taanna illoqarfiit pingaarnersaattut isigaat.
Apeqqut taannarpiaq innuttaasunut ukioq naatinnagu taasissutaasussaagaluarpoq, kisianni araberit kurderillu akerleriinnerujussuat pillugu taasisitsinissaq ullulernagu kinguartinneqarpoq.