Tyrkiamiut kurderinik saassussipput
Reuterimiit nalunaarput sakkutuut oqitsunik sakkoqartut akersuuttoqarsimaneranilli nalunaartoqanngilaq, ullaallu ingerlanerani Tyrkiamiut Irakimut kilometerit marluk pingasullu akornanni iserterput.
Tyrkiamiut timmisartuisa Irakimi nunaqarfiit sapaatiummat saassummatigit arnaq sakkutuujunngitsoq toqutaavoq. Irakimiut Tyrkiamiit saassusseqattaarnerit avoqqaaraat, siunissamilu saassussisarnerit Bagdadimi naalakkersuisut ilagalugit ataqatigiissaarneqartassasut piumasaralugu.
Sapaatiummat saassussinerit sioqqullugit Amerikamiut ilisimatinneqarsimallutik nalunaarput, Irakimiulli oqarnerattut Tyrkiamiut qaartartunik nakkaatitsinissaannut akuersissuteqarsimanatik.
Kurderit namminersulerniat Irakip avannaaniittut saassuttarnissaannut pisinnaatitaallutik Tyrkiamiut isumaqarput.