Tyrkiami qaartartumeerisut

Allattoq Mads Lynge
aggustip 04-at 2006 16:44

Tyrkiap kujasinnerusortaani illoqarfimmi Adanami marloriarluni qaartartumeerisoqarmat arlallit ikiligaapput

Qaartartut tulleriiginnangajallutik qaartinneqarput ungasissumiillu aquuteqarluni qaartinneqarsimanissaat ilimanarput, Adanami politiit taama nalunaaruteqarput.

Qaartartoq siulleq tyrkiamiut sakkutuuisa aningaasaateqarfiata eqqaani qaarpoq.

Tullialu taassuma eqqaani nerisassaarniarfimmi qaartinneqarluni.

Bankimi atorfillit marluk politiillu marluk ikilerneqarput.

TV-eqarfik CNN Türk naapertorlugu, illoqarfimmi feeriariartarfimmi Adanami qulit ikilerneqarput. Europap avannaamiut tassunga aamma feeriartarput.

- Ilisimatinneqarnera naapertorlugu danskit Tyrkiami takornariat tamaaniinngillat, Star Tourip tuniniaanermut pisortaa Stig Elling oqarpoq.

Sooq qaartartumeerisoqarsimanersoq tyrkiamiut politiivinit ilisimaneqanngilaq.