orpippassuit ikuallannerat siaruarsimaqisoq nutaarsiassaqartitsivimmi ritzau-mi oqaluttuarineqarpoq, assersuutigineqarluni ikuallannerup sianeruarsimanera Danmarkimi Samsø-tulli annertutigisoq.
Ikuallannerlu feeriartarfimmut danskinillu ornigarneqarluartumut qanilliartortoq erseqqissaatigineqarpoq taakunga tungaanut 10 kilometeriinnarnik maanna ungasissuseqarluni.
- Inuunera tamaat ikuallannerit suliaraakka assingusumilli takusimanngisaannarpunga, oqartariaqarpungalu ikuallanneq tamanna ajunaarnersuusoq, taama issuarneqarpoq Tyrkiami orpippassuit pillugit pisortaqarfimmi qullersat ilaat Mustafa Kurtulmus.
Taassuma tuppallersaatituarisinnaanerarpaa ikuallanneq manna tikillugu suli inuup inuuneranik naleqanngimmat.