Tyrkiami immap naqqani nuna sajummat 26-t ajunaarput
Nutaarsiassaqartitsivik AFP taama allaaserisaqarpoq.
Tyrkiap illoqarfiisa annersaasa pingajuat Izmir eqqugaarujussuarpoq.
Najugaqarfiit amerlasuut isamipput. Aseqqukullu akornanni annattoqarsimanersoq annaassiniartartut ujaasipput.
Izmirimi inissiat 20-t ajalusoorsimapput.
- Inuit 70-it missaanniittut aseqqukunit aninguisinneqarput, tyrkiap avatangiisinut ministeria Murat Kurumu oqartoq nutaarsiassaqartitsivik Reuters allappoq.
Tyrkiap sineriaa tassaarsuarmit sakkortunngitsumik eqqugaavoq. Ulerujussuarnerani qarsussisoqarluni.
Grækenlandip qeqertaasa ilaat Samos tassaarsuaararneranit aamma eqqungaasoq AFP allappoq.
Immap naqqata sajunnera Grækenlandip illoqarfiisa pingaarnersaani Athenimit sakkortunngitsumik malugineqarsinnaasimasoq Reuters allappoq.