Tvind suliareqqitassanngortitsippaat

Allattoq Mads Lynge
septembarip 12-at 2006 17:04

Tvind pillugu eqqartuussisulersuussinermi pinngitsuutitsineq, Vestre Landsrettimut suliassanngortinneqarpoq.

Tvind-imi pisut ukiuni pingasuni eqqartuussissutigineqartut nammassinngillat.

Eqqartuunneqartunit arfineq-pingasunit arfineq-marluk illoqarfimmi eqqartuussisumit pinngitsuutinneqarput, unnerluussisullu ajorsarnertik iluarinngilluinnarpaat, suliarlu Vestre Landsretimut ingerlateqqillugu.

Unnerluutigineqartnu pingaarnerutinneqartartup Mogens Amdi Pedersenip illersuisuata, Anders Boelskifte-p, suliassanngortitsineq tupaallaatigaa:

- Pinngitsuutitsineq ersarilluinnarpoq, unnerluussissutini tamani pinngitsuutinneqarpoq.

Tvind-i pillugu eqqartuussisulersuussineq maannamut 56 million koruuninik naalagaaffimmut naleqarsimavoq, unnerluussisut naatsorsuuserisunut aningaasartuutaat 10 million koruunit aningaasartuutinut ilanngunneqassallutik.

Inuussutissarsiornermut inatsisilerinermullu Århusip Universitetiani professor Lars Bo Langsted ilimasuppoq, Tvind-i pillugu siusinnerpaamik ukiut marluk qaangiuppata nutaamik inerniliisoqarumaartoq.