TV2-miit isiginnaartitsisarfimmut

Isiginnaartitsisartoq kalaaleq, 13-inik ukiulik, Bebiane Kreutzmann Det Kongelige Teaterimi siullerpaamik isiginnaartitsisussanngorpoq.
decembarip 06-at 2011 09:48

Isiginnaagassiami Revolver Trilogienimi russisk roulettemi sinnattuaqinartumi unamminermi aqutsisuussaaq, russisk roulettemi unammisut kina asanninnermi ajutoornerpaasimanersoq unammissutigissavaat.

- Uummat sequmeqqasoq qanoq sivisutigisumik qaangerneqartarpa?, oqaasissaasa ilagaat, unammisut akisassaat.

Isiginnaagassiap ilitsersuisua naapertorlugu isiginnaagassiami inuttaq taanna isiginnaagassiami oqaasissaqarpianngikkaluarluni pingaaruteqartuuvoq. Bebiane Kreutzmann tv-kkut aallakaatitassiami nangeqattaartumi Lærkevejimi ilaalluni Danmarkimi tusaamasanngorpoq. Tassanngaanniillu isiginnaagassiami ilitsersuisup nalunngilaa.

- Ilumoorsaarnera immiikkuullarissuuvoq, taamallu ukiulinnut immikkooruteqarluni. Siunersissaanngitsuuvoq, qanoq eqqarsarnera nalunartarluni. Aammali inequnarluinnarluni, isiginnaagassiami ilitsersuisup nersualaarpaa.

Revolver Trilogien Det Kongelige Teaterip Porthussceneani marsip arfineq-pingajuanniit maajip tallimaata tungaanut takutinneqartassaaq, inuttallu pingaarnerit tassaapput Helle Fragalid, Maria Rossing Mikkel Arndtilu.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk