TV2-imi ukioq manna isiginnaarneqarnerpaaq
Tv-kkut isiginnaartut amerlanerpaagamik 2 millioniupput, aamma maani Danmarkip nunarsuatsinni mesterinut 26-20-mik ajugaanera isiginnaarneqarluarunaqaaq.
Danmarkip ingerlalluarnera aamma Herningimi timersortarfissuarmut isiginnaariarumaneqaqaaq.
Russinut ippassaq unnukkut unamminermut bilitsit nungunneqarsimapput aamma ullumikkut Kroatiamut unamminissami, maani KNR-TV-mi nalunaaqutaq 16.35 takutinneqartussamut bilitsinit 11.600-uusunit 10.800-t ullaaq tunineqareersimapput.
Danmark ullumikkut Kroatiamut ajugaassaguni imaluunniit naligiiginnassagunik, taava Danmark semifinalimut aamma medaaliannanniunnissanut, sapaatip akunnerata naanerani ingerlanneqartussanut anngutissaaq.