TV-qarfissuaq NBC Ilulissaniit aallakaatitsivoq

Amerikamiut TV-qarfissuata NBC-ip, Kalaallit Nunaanni ulloqeqqata siorna Ilulissaniit toqqaannartumik aallakaatitsinera amerikamiunit 8 millionit missaanniittunit isiginnaarneqarpoq.
novembarip 05-at 2007 17:18

- Siullertut pingaarnertullu paasisaat tassaavoq silap kiatsikkiartornerata nunarsuatsinnut qanoq sunniuteqarnera, Nini Biilmann, Nunatsinni Takornariaqarnermut Inuussutissarsiornermullu siunnersuisoqatigiinneersoq, NBC-mik sapaatit akunnerini marlunni ataqatigiissaarisutut suleqataasoq radioaviisimut oqarpoq.

- Aamma paasivaat Kalaallit Nunaat tassaannaanngitsoq qeqertaq qaqortuinnaq, akunnittarfeqartorli pitsassuarnik nerisaqarfiusinnaasunik.

Aamma qularinnginnerarpaa CO2-mik aniatitsinerup nunarsuarmut sunniutai paasilluarnerulissagaat.