Ileqqutoqqat malillugit nerisassiat sumi nassaassaanersut, qanorlu nerisassiarineqartarnersut, aallakaatitami isiginnaarneqarsinnaapput, nerisassialli nutaaliaanerusut, sumiiffinni assigiinngitsuni pisarisaneersut aamma sammineqartarput.Assi: Inuit Broadcasting Corporation

TV-kkut aallakaatitassiaq Nunavummi nerisassanut tunngasoq nuannarineqarluartoq

Nunavummi ileqqutoqqat malillugit nerisassat sumi nassaassaappat, qanorlu nerisassiarineqartarpat? TV-kkut aallakaatitap Nunavummi Mamarijavuup tamanna sammisarivaa.

TV-kkut aallakaatittagaq Nunavummi Mamarijavut nuannarineqartorujussuuvoq, nunap inoqqaavisa tv-qarfianni APTN-imi aallakaatinneqartarluni.

Ileqqutoqqat malillugit nerisassiat sumi nassaassaanersut, qanorlu nerisassiarineqartarnersut, aallakaatitami isiginnaarneqarsinnaapput, nerisassialli nutaaliaanerusut, sumiiffinni assigiinngitsuni pisarisaneersut aamma sammineqartarput.

Aallakaatitassiami ilisarisitsisoq tassaavoq Malaya Qaunirq Chapman. Taassuma Nunavummi ilaqutariit piniartullu malinnaavigisarpai.

Assi: Inuit Broadcasting Corporation

 

Taanna nunaqarfiit avatangiisillu angallavigisarpai, naggueqatigiillu Inuit qanga najugaqarfigisimasaat tikittarlugit.

Inuit sumiiffik pillugu oqaluttuarsinnaasut, qanorlu piniartoqartarneranut, kinguaariillu nerisassiortarnerannut tunngasunik oqaluttuarsinnaasut tassani naapittarpai.

Piniarnissamut aalisarnissamullu ilitsersuisoqartarpoq, soorlu aamma paarnanik naatitanillu peqqinnartunik katersinissamut ilitsersuisoqartartoq.

Filmiliortut, Malayamik siulersortilerlutik, Nunavummi nagguteqatigiit Inuit angerlarsimaffiinut pulaartarput, aallakaatitarlut Nunavummi Mamarijavut aqqutigalugu Nunavummiut peqqinnarnerusumik nerisaqalernissaat siunertaavoq, nerisassat pisiniarfinni pisiarineqarsinnaasut isumalluutaavallaannginnissaat aamma siunertaalluni.

TV-kkut aallakaatinneqartoq APTN-ip nittartagaatigut isiginnaarneqaqqissinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat