Tv-eqarfinnik isornartorsiuineq ilumuunnginnerarneqarpoq

Taama TV-qarfimmi Saudiarabiamit pigineqartumi, pisortaq, Alsarami, nutaarsiassaqartitsivimmut Reutersimut oqarpoq.

TV-qarfiup Al Arabiyap, TV-qarfiullu allap, Arabiami sunniuteqarluartup, Al Jazeerap, Danmarkimi aallakaatitsisalernissaat unitsinneqartariaqartoq, Pia Kjærsgaardip sapaatip akunnerata naanerani kajumissaarutigaa.

Danmarkimi partiit tamarmik taama isumaqanngimmata nuannaarutigigini, Alsarami oqarpoq.

TV-kanaalit taakku marluk Nunanut Killernut akeqqersimaartuusut, Danmarkimilu nunasisut inuiaqatigiinnut akuliunnissaraluaraluannut akornusersuisuusut, Pia Kjærsgaardip tikkuarpaa.

- Arabiami nunanut killerneersunut akeqqersimaartutut pasilleqartarpugut. Illuatungeriinnit taama isornartorsiorneqartuaannaratta, iluamik iliuuseqarnissarput eqqarsaatigisariaqarparput, Alsarami oqarpoq.