Tuusintilikkaat ilisinermi najuupput
66-inik ukiulik Taseer, nammineq isumannaallisaasuminit ippassaq toqutaasoq, Pakistanimi ingasattajaarlutik upperisarsiortunut isertuarani akerlilersuisuusoq aamma nunami tassani musliminik ingasattajaarnianut akerliunerminik tamaviaarussisuuvoq.
Toqutsisup oqaatigaa, Salman Taseer Pakistanimi Guutimik mitaatiginninnginnissamik inatsimmik allanngortiterinissamik kissaateqarnera pissutigalugu aallaagini.
Toqutsinermut atatillugu politiit pasisanik qulinik tigusarinnereerput.
Ministeriunerup Yousuf Raza Gilanip nunami ataatsimoortukkuutaat akerleriit eqqisseqatigeeqqullugit kajumissaarpai. Tamatumunngalu peqatigitillugu toqutsinermi akisussaasut sakkortuumik pillarneqarnissaat neriorsuutigaa.