Tuusi siulittaasuuffittaarpoq
Henrik Old, Savalimmiuni Lagtingimi ilaasortaq, savalimmiormiullu aallartitaanni siulittaasuusoq, Josef Motzfeldtip siulittaasutut taarserpaa.
Josef Motzfeldtip saniatigut Nunat Killiit Siulittaasoqatigiivini qinigaarlaani siulittaasup tullinngorput Altingimi ilaasortaq, islandimiu, Ólína Þorvarðardóttir, aamma Henrik Old, Savalimmiuni lagtingimut ilaasortaq.
Josef Motzfeldt siulittaasutut oqalugiangaarrnermini tikkuarpaa, Nunani Avannarlerni ataatsimut soqutigisat immikkut ittut Nunanut Avannarlernut allanit naleqqiullugu allaanerusut. Suleqatigiinnerullu tamassuma ilumuussusia nunarsuarmut ukiut ingerlanerini ersarissiartuinnarpoq, uatsinnullu soqutiginninneq annertusiartuinnarluni. Aamma ilutigalugu uagut nunagut sutigut tamatigut pisussaaffeqarneruleriartorput. Taamaammat Nunat Killiit Avannarliit suleqatigiinnerisa nukittorsarnissaat pingaaruteqarpoq, Josef Motzfeldt erseqqissaavoq.
Nunat Killiit Avannarliit Siunnersuisoqatigiiffiat tassaavoq Savalimmiuni Lagtingip, Nunatsinni Inatsisartut Islandimilu Altingip akornanni suleqatigiiffiuvoq. Siulittaasullu nunat taakku pingasut akornanni paarlakaajaattarput.
