Tuttuttassat umimmattassallu agguaanneqarput
Tuttunniarnissamut piffissarititaq pisarneq malillugu novembarip 15-anut killilerneqarpoq, immikkoortortaqarfik 2-mut tamanna atuutinngilaq, tassani inuussutissarsiutigalugu piniartut ukiuunerani piniarsinnaanerat februaarip 18-anut killilerneqarmat.
Allattoq Louise M. Kleemann
juulip 12-at 2010 12:14
Upernavimmeersut Nuussuarmi tuttuttassaanik aamma tunineqarput.
Ilulissanut aamma Qeqertarsuarmut ukioq manna perngaammik umimmattassanik tunniussisoqarpoq, tassalu Naternami umimmaqarfimmi. Tassani piniarneq novembarip 15-ianut sivitsorneqarpoq.
Tuttunniarnissamut umimmanniarnissamullu piniarnissap piffissaataa aallartinnissaa unitsinneqarnissaalu pillugit apeqqutaavoq, ukiuni siuliinisut, nunap immikkoortuani sumi suullu piniarneqassanersut, kiisalu apeqqutaatinneqassalluni inuussutissarsiutigalugu piniartuuneq, sunngiffimmi piniartuuneq imaluunniit akiliisitsilluni piniarnermik aaqqissuisuunerluni, Namminersorlutik Oqartussat taama paasissutissiipput.
