Tuttutassat umimmattassallu allannguuteqangaanngillat
Maanna sivisujunnaarpoq aavarnerup aallartinnissaanut taamalu aallaasit qinngutitaasa tuttunut umimmannullu umertinnissaannut. Naalakkersuisut maanna aalajangersoreerpaat tuttutassat umimmattassallu amerlassusissaat nunallu immikkoortuinut agguataarnerat. Taakku siornamut sanilliullugit allannguuteqangaanngillat.
Nutaatut Naalakkersuisut ammaappaat Pituffimmi najugallit tuttunniarsinnaanissaat. Pituffimmi borgerrådimit tamanna ukiuni arlalinni noqqaassutigineqartarsimavoq maannalu Qaanaami piniartut peqatigiiffiat isumasioreerlugu tamanna ammaanneqartussanngorpoq.
Aavarneq pisarnertut augustip aallaqqaataani aallartissaaq siornarnilli siusinnerulaartukku unissalluni tassan oktoberip 15-at.
Linki ataaniittoq toorlugu aavarfissanut piffissaq pisassallu agguataarnerat takusinnaavat.