Tuttut piniagaanerat sivitsorneqarpoq

Nuup Kangerluaniit Kangerluarsussuarmut aamma Kangerluarsussuarmiit Sioqqamut, tuttunik piniarnissaq novembarip ulluisa 15-iata tungaanut sivitsorneqarpoq.
septembarip 30-at 2008 15:25

Immikkoortoq 4-mi, Nuup Kangerluaniit Kangerluarsussuarmut aamma immikkoortoq 5-imi, Kangerluarsussuarmiit Sioqqamut tuttut saluttut amerlavallaat malugineqarsimammata, Kalaallit Nunaanni Pinngortitaleriffimmit amerlavallaarnerat saluppallaarnerannut pissutaasorineqarmat piniarneqarnerat sivitsorneqarpoq. Kulavaat aamma pisarineqartarnissaat tuttut ikilisarnissaannut pisariaqartoq erseqqissarneqarpoq, norraallu qimaannarneqartannginnissaat piniartunut eqqumaffigeqquneqarluni. Piniarnissamut sivitsuineq sunngiffimmi aamma inuutissarsiutigalugu piniartunut atuuppoq. Piniarfissatut killissarititaasut akuersissutini takuneqarsinnaapput, imaluunnit WWW.nunagis.gl atorlugu pisuussutit uumassusillit ataanni takuneqarsinnaapput.