Tuttut inoqarfimmut qaninngoortut assersorneqalerput

Norgep avannarpasissuani illoqarfimmi Hammerfestimi tuttut illoqarfimmut qaninngoortuarneri qatsullugit illoqarfik ungullugu ungaluliortoqarnialerpoq.

Ukiuunerani tuttut illut naatsiiviini neriniartarsimapput, aasakkullu alanngikkiartorfigisarsimallugit.

Ungaloq km-inik 20-nik takissuseqassaaq meterillu aappaa affartut portussuseqassalluni.

Naak takorloorneqarsinnaagaluaq tuttut alutorineqarsinnaaneri, maani najugalinnut quujananngivissimasoq, Hammerfestip borgmesteria Alf Jakobsen tusagassaqartitsivimmut Reutersimut oqaluttuarpoq.

-Sumi tamaani angallattarput, qaaqqusisuni, ilalumi naalagianut allaat appakaattarlutik.

Borgmesterip oqaluttuaraa ataasiarluni tuttut eqimattat 50-it 100-llu missaanniittut kommunep allaffiata silataaniittut isiginnaarsimallugit.

Hammerfestimi 10.000-it missaanni inoqartumi oqartussat naatsorsuutigaat ungaluliaq ukioq naatinnagu naammassineqassasoq, 2 millioni koruunillu akeqassasoq.