Tuttut immikkuullarissumik qingaqartut

Rudolfimut oqaluttuaq nalunngiliuk? Tuttumut Rudolfimik atilimmut erinarsuut una amerlanerpaat tusareersimassavaat. Rudolfimullu oqaluttuami qingaa aappalaartoq immikkuullarissoq aamma ilaavoq.
Allattoq Karsten Sommer
decembarip 23-at 2016 11:24

Uumasulli nunarsuaanni tuttut tamarmik immikkoqqissaaq ittumik qingaqartut, University of Tromsømit ilisimatuutut misissuinerup takutippaa.

Tuttummi qingaasa sila nillertoq 80 gradit tungaannut sekuntiunngitsorluunniit kissarnerulertissinnaavaat.

Tuttut silap pissusaannik paasiniaasarfimmi nillertumi maskinakkut arpaffissakkut arpatsillugit ilaatigut anersaartornerat misissorneqarpoq. 

Tuttullu qingaa siuterorsuartut iluseqartoq paasineqarpoq, taamaalilluni tuttu anersaartoruni sila qingaata iluatigut qinnikaartukkut angisuukkoorluni 38 gradenut sekuntiunngitsoq kissanneqariarluni puanukartarpoq. 

Silalu nillerneruguni tuttut qingaat nukimik sipaarnerusartut ilisimatuut aamma paasivaat. Issittumilu 30-40-nik issileriaannaasarmat tuttunut tamanna pitsaasuuvoq.

Tuttut taamaalillutik issittumi tammaraluarunik kissartumik anersaartorsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq