Tuttut Canadamiittut ikiliartupiloornissaat aarleqqutigineqarpoq

Tuttut nungukkiartupiloornissaat aarleqqutigineqarpoq ukiorlu 2100 tikitsinnagu nunguissimanissaat aarleqqutigineqarluni.

Tuttut ataatsimoortukkuutaartut 57-iusut eqqoriarneqarpoq, taakkunanngalu 30-t nunguissinnaanissaat aarleqqutigineqarpoq.

Tuttut ivigartorfii ikiliartorput aserorterneqarlutillu, suliffeqarfissuaqarfiit aatsitassarsiortut imaaginnavimmata.

Uuliasiortoqarlunilu gassimik qalluisoqarpoq, taakkualu pissutaallutik assartuinerit angallannerillu annertusillutik.

Aqqussinniortoqarlunilu timmisartoqarfiliortoqarpoq, inuillu amerliartuinnarlutik. Taamaammat tuttoqarfiit ikiliartorput, tuttullu ajoqusersorneqarnerulerlutik.

Aatsitassarsiortunit eqqakkat ajornartorsiutaapput, uuliamillu kuuttoornerit takussaanerulerlutik.

Tuttut nunap immikkoortuini Albertamiittut Saskatchewanimiittut Northwest Territoriesimiittullu nungukkiartornissaat aarleqqutigineqarpoq.

Canadap naalakkersuisuisa tuttut pillugit iliuuseqarnissaat neriuutigineqarpoq, tuttoqarfeqartuaannarnissaa suliniutigineqarnissaa kissaatigineqarluni.

Tuttut pillugit nalunaarusiaq ilisimatuussutsikkut ataatsimiititaliamit suliarineqartoq, avatangiisinik illersuiniaqatigiiffiit suleqatigalugit piviusunngortinneqarpoq.