Tuttut amerlavallaalersimapput!
Tuttunik pisassiisarnerup nunatsinni tuttut ikinnerulersinngilai, tamannalu oqartussaasut maluginialerpaat.
Aatsaat taamak Kalaallit Nunaanni tuttoqartigaaq, Namminersornerullutillu Oqartussat ikiorfeqanngillat, taama nutaarsiassaqartitsivik Ritzau allappoq.
- Tuttuniarnermi tamanut ammaassineq iluaqutaanngilaq, nalulluinnarparpullu qanoq ilioqqissinnaanerluta, taama oqarpoq avatangiisit pillugit pisortaqarfimmi atorfilik Mads Brinck Lillelund.
Tuttut amerlavallaalerunik namminneerlutik toqoralissapput, tamannalu piniartunut ajornartorsiortitsilissaaq. Piffissap ilaani tuttut nerisassaarutissapput perlerlutillu toqussallutik.
Ukiumi 2000-imiit tuttut 25 procentimik amerleriarsimapput, nunallu allat tuttoqarfiusut misilittagaat naapertorlugit tamanna nunanut tamakkununnga sanilliukkaanni arfinileriaammik amerlaneruvoq.
Nutaarsiassaqartitsiviup ritzau-p allagaa naapertorlugu, biologit naluaat sooq tuttut taama amerleriartupiloorsimatiginerat.
- Imaassinnaavoq sivisuallaamik eqqissisimatitaasimanerat tunngaviusoq, taama oqarpoq, Zoloogisk Museum Naturama-mi Svendborgimiittumi ilisimatooq Jens Nyeland.
