Tuttunniarsinnaaneq unitsinneqalerpoq
Ukioq manna tuttunniarsinnaaneq umimmanniarsinnaanerlu unitsinneqarnialerpoq. Aalisarnermut Piniarnermut Nunalerinermullu Naalakkersuisoqarfiup nalunaarusiaa naapertorlugu ukioq manna tuttunniarsinnaaneq umimmanniarsinnaanerlu oktobarip 15-iani unnuap qeqqanut unittussaanera eqqaatitsissutigineqarpoq.
Sumiiffiilli ilaanni inuussutissarsiutigalugu piniartut aappaagu februaarip 28-ata tungaanut piniarsinnaatitaassapput, sumiiffiillu ilaanni akiliillutik pinialuttartut kingusinnerulaartukkut aatsaat piniaqqusaajunnaassallutik.
Tuttunniarnissamulli umimmanniarnissamullu maleruagassat sukumiinerusumik paasisaqarfigerusukkukkit Namminersorlutik Oqartussat nittartagaannut www.nanoq.gl -imut iserlutit paasiniaasinnaavutit.