VIDEO Tuttunniarneq aallarteqaaq

Tuttusiniarluartoqarlereerpoq.

- Pisiniat ajunngitsorujussuupput pisiniallattaarput, Kalaaliaqqami sulisoq, Hanseeraq Lynge, KNR-imut oqarpoq.

Silaqqissorsuugaami tuttunniat ilaat Qeqertarsuatsiaat kujataatungaani tuttunniarput.

Peqarluarpa?

- Naa, uku takusagut pisarivagut qullartinnginnatta kiannermut aamma, piniartoq aalisartorlu Siiva Møller akivoq.

Taamaattoq sapaammili tuttut apuunneqarmata Kalaaliaratoqqami ulapputtoqarpoq.

- Ippassaq (sapaatiummat, aaqq.) ulapippugut tuttorpaalussuit nungukkunarput. Immaqa 30-40-t tungaanulluunniit takkussuunneqarput, Kalaaliaqqami sulisoq Ujuilli Jørgensen oqarpoq.

Kalaaliaratoqqami tuttut piariikkat Kalaaliarartaamut tuniniagassanngortinneqartarput.

Tuttunniarneq arfininngornermi aallartilluaannaqaaq kalaaliarartaamilu pisiassarpassuit imaaginnavipput.

- Tunisaqarlualaartorujussuuvugut siatassaanerusut kisiisa apersortarpai taava suppaliassat ingerlallualaartorujussuupput ulapeqaagut, ippassaq karsit qulit tungaanut eqquppaat, Kalaaliaqqami sulisoq, Semion Markussen KNR-imut oqarpoq.