Tuttuni pisarineqarsimasuni parasittinik nassaartoqartoq

Tuttuni pisarineqarsimasuni parasittinik, tassa uumasuaqqanik miluuffigisaminit inuussutilinnik, ukioq manna nassaartoqarsimavoq. Kalaallit Nunaanni Uumasut Nakorsaqarfik Inuussutissalerinermullu Oqartussat taama nalunaaruteqarput. sillimanissamullu suut malinneqartariaqarnersut pillugit ilisimatitsissuteqarput.

Paamiuniit Kangerlussuarmiillu piniartuniit nalunaarutigineqarpoq qumaarsussuup qullugiaanik arlalinnik tuttut neqaanni nassaartoqarsimasoq, taamaammat nunatta kitaata sineriaani allami nassaarineqarsinnaasut ilimanarpoq.

Tuttut neqaat Sarcocysterinik taaneqartartunik eqqorneqarsimasinnaapput. Sarcocyster titarnertut qaqortutut amitsutut takussaasarput neqimi qaqorteqqasunut (suaasanut qaqortunut) assingullutik.

Qumaarsusssuup qullugiaanik aamma siumuisoqarsinnaavoq. Qumaarsussuit neqimi pullarinertut mikisutut, qaqortutut ammalortutullu takuneqarsinnaasarput.


Kaammattuut
Tuttut nujuartat neqaat 75° Celsiusinut iluunngarlugit kissanneqartassasut, Kalaallit Nunaanni Uumasut Nakorsaqarfik Inuussutissalerinermullu Oqartussat tamanna pillugu kaammattuutigaat.
Taamatut uunartumiititsineq uumasuaqqanut miluuffigisaminut inuussutilinnut toqoraataassaaq

Neqimik qerititsineq, pujoorineq nikkulinerluunniit trikininut, qumaarsussuarnut sarcocysterinulluunniit toqoraataanngillat, tuttut neqaat tamanna pillugu iluunngarlugu kissanneqartassapput, naak aamma qeritinneqarsimagaluarpataluunniit.

Uumasut nujuartat neqaat qalanneqarluarsimanngitsut nunaannarmut qimanneqartassanngillat qimminulluunniit nerukkaatigineqartassanatik assersuutigalugumi qimmit aamma nappaalalersinnaapput.

Neqinik uumasuarsunnik tunillanneqarsimasunik qimatsisariaqalissaguit kaammattuutigineqassaaq ikuallassagitit, minnerpaamilu 1 meteritut ititigisumut nunami matuussagitit imaluunniit imaanut kivisissagitit. Kalaallit Nunaanni Uumasunut Nakorsaqarfik Inuussutissalerinermullu Oqartussat taama kaammattuuteqarput.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat