Tuttuaqqat saarngi ilimagisamit pisoqaanerusut

Illoqqortoormiuni soraarnerussutisiallip tuttuaqqat saarngi illoqarfiup ungasinngisaani siorna aasakkut nassaavi ilimagisamit pisoqaanerujussuupput.

Nassaat ilaat ukiut 4.000-it angullugit pisoqaassuseqarput, amerlanerpaartaalli ukiunik 2.000-inik pisoqaassuseqarlutik. Ukiunik 2.000-inik pisoqaassusillit taamaalillutik Jesusip nalaani ruumamiullu kaasariisa nalaanni uumasimapput.

Uumasunik ilisimatooq Københavnimilu uumasuusivissuarmi atorfilik Peter Gravlund oqarpoq, misissueqqissaarnerit erseqqissumik takutikkaat, tuttuaqqat qangarsuummalli nungussimasut saarngi qanoq pisoqaassuseqarnersut.

Tuttuaqqat ataatsikkut toqusimanngillat, taamaattumik uumasunik ilisimatuut eqqoriaapput, tuttuaqqat sermersuarmi quppamut nakkarsimanngikkunik ipisimassasut, taamalu erngup qaarusummut ingerlassimassagai. Tamannali eqqoriaanerinnaavoq suli uppernarsineqanngitsoq.

Saarngit Illoqqortoormiunit 3 kilometerisut ungasitsigisumi qaqqami qutaarlummi nassaarineqarput.