Tuttorpassuit tammaaneqarput
Tuttut Tuktuyaktuup ungasinngigisaani Richards Islandimiittussaaniaraluarput, Northwest Territoriesilli nunavittaanut ikaarsimanissaat ilimagineqarpoq, tassanngaanniillu nunap ilaanut siaruaassimassangatinneqarlutik.
Qamuteralaat atorlugit ujaasisoqarmat tuttut 400-t missaat maannamut nassaarineqarput, sinneruttulli suli nassaarineqarsimanatik.
Tuttut nujuitsut nujuartanut akuliunnissaat aarleqqutigineqalerpoq, nujuartallu akornanni nappaalasoqalernissaa aamma aarleqqutigineqalerluni.
Silap ajoqattaarnera taarsiaartarneralu ujaasinermik ajornakusoortitsivoq, tuttunillu piginnittoq oqarpoq tuttut amaqqunit malersorneqarsimanissaat ilimagineqartoq.