Tusarniaasitsiniarneq itigartinneqarpoq

decembarip 14-at 2005 10:45

Folketingimi ilaasortaq Dansk Folkepartiimeersoq Søren Espersen siunnersuuteqarpoq Namminersorneq pillugu Isumalioqatigiissitarsuaq isumaliutissiissumminik tunniussereerpat, nunatta namminersulernissaa pillugu Christiansborgemi tusarniaasoqassasoq, Dansk Folkepartii isumaqarmat nunarput ukiut ikinnerpaamik 50-it qaangiuppata aatsaat namminersulertariaqartoq.

Dansk Folkepartiip siunnersuutaa Venstret Konservativiit Socialdemokratillu itigartippaat. Namminersorneq pillugu Isumalioqatigiissitarsuup isumaliutissiissutissaminik sulilluni maannakkut nammassilerneranut tusarniaaqqusineq akornutaaginnassammat itigartinneqarpoq.

Namminersorneq pillugu Isumalioqatigiissitarsuup suliaata upernassaru marsimi nutserneqarlunilu allaqqissaarneqalernissaa naatsorsuutigineqarpoq.

Folketingip nunarput pillugu ataatsimiititaliaani siulittaasoq IA-meersoq Kuupik Kleist Dansk Folkepartiip siunnersuutaanut akerliusoq oqarpoq itigartitsineq iluarisimaarini:

- Isumaqatigineqanngilaq aamma uanga nammineq isumaqatiginngilara. Sammineqartoq tassaassappat nunatsinni piginnaaneq annikippallaartoq, imaluunniit nunatta namminersulernissaata ukiunik 50-inik 100-nilluunniit kinguartinneqarnissaa aallaavigineqassappat isumaqatiginngilara. Ataatsimeersuartoqassappat allatut imaqartillugu ataatsimeersuartoqarnissaa misilissavarput iluatsissinnaanersoq.

Folketingimi ilaasortaq Dansk Folkepartiimeersoq Søren Espersen siunnersuuteqarpoq Namminersorneq pillugu Isumalioqatigiissitarsuaq isumaliutissiissumminik tunniussereerpat, nunatta namminersulernissaa pillugu Christiansborgemi tusarniaasoqassasoq, Dansk Folkepartii isumaqarmat nunarput ukiut ikinnerpaamik 50-it qaangiuppata aatsaat namminersulertariaqartoq.

Dansk Folkepartiip siunnersuutaa Venstret Konservativiit Socialdemokratillu itigartippaat. Namminersorneq pillugu Isumalioqatigiissitarsuup isumaliutissiissutissaminik sulilluni maannakkut nammassilerneranut tusarniaaqqusineq akornutaaginnassammat itigartinneqarpoq.

Namminersorneq pillugu Isumalioqatigiissitarsuup suliaata upernassaru marsimi nutserneqarlunilu allaqqissaarneqalernissaa naatsorsuutigineqarpoq.

Folketingip nunarput pillugu ataatsimiititaliaani siulittaasoq IA-meersoq Kuupik Kleist Dansk Folkepartiip siunnersuutaanut akerliusoq oqarpoq itigartitsineq iluarisimaarini:

- Isumaqatigineqanngilaq aamma uanga nammineq isumaqatiginngilara. Sammineqartoq tassaassappat nunatsinni piginnaaneq annikippallaartoq, imaluunniit nunatta namminersulernissaata ukiunik 50-inik 100-nilluunniit kinguartinneqarnissaa aallaavigineqassappat isumaqatiginngilara. Ataatsimeersuartoqassappat allatut imaqartillugu ataatsimeersuartoqarnissaa misilissavarput iluatsissinnaanersoq.