Tusarnaartitsisunut nittartakkakkut inniminniisarfeqalerpoq

Nipilersortartut pappialalerinatik nipilersuutilerissapput. Nuusiortitseqatigiiffik Atlantic Music taama isumaqarpoq, taamaattumillu internetikkut inniminniisarfimmik pilersitsinialerput, taamaalillutik nipilersortartut ataasiakkaat allaffissornermut piffissaajannginneruniassammata.
Allattoq Lotte Holm
marsip 16-at 2009 08:41

Inniminniisarfimmi Atlantic Music Agencymik taaneqartumi tusarnaartitsinermik aaqqissuusserusuttut, internetikkut nipilersortartunik attartugassarsiorsinnaapput. Periaaseq soorlu illoqarfiit nalliuttorsiornerinut aaqqissuussinernullu assingusunut atorneqarsinnaavoq.

- Nipilersortartut allaffilerinermut piffissaajarpallaaratik nipilersorneq aalluttariaqarpaat. Tamatumunngalu uagut ikiuussinnaavugut, Atlantic Musicip pisortaa Ejvind Elsner Sermitsiap nittartagaanut oqarpoq.

Tamatumunnga peqatigitillugu inniminneeriaatsikkut nipilersornermik soqutigisaqartut aamma ikiorserneqarsinnaapput.

- Nunatsinni nipilersoqatigiit nipilersortartullu amerlaqaat. Taamaattorli nipilersoqatigiit suli ingerlanersut sumiluunniit takuneqarsinnaasanngilaq. Inniminniiffissamik pilersitsinikkut nipilersortartut suli ingerlasut allattugaatilissavavut, Ejvind Elsner oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq