Tusarfiit tutsuigartut: Wæver Naalakkersuisuujunnaassaaq
novembarip 23-at 2006 16:52
Jørgen Wæver 231106 rth
Attaveqarnermut Ineqarnermullu Naalakkersuisoq Jørgen Wæver Johansen, Naalakkersuisutut soraartussanngortoq tusarfitta tutsuiginartut oqaatigaat.
Jørgen Wæver Johansen suliffeqarfinnut siunnersuisartuni Greenland Venturemi, januaarip aallaqqaataaniit pisortanngortussaanerarneqarpoq. Greenland Venture A/S inuussutissarsiutitigut aningaasaliisarnermik suliaqarfiuvoq.
Greenland Venturep siulersuisuini siulittaasup Gert Lynge-p uppernarsarpaa Januaarip aallaqqaataaniit pisortartaartussanngoramik, kinaassanersorli oqaatigerusunngikkallarpaa.
Jørgen Wæver Johansen nutaamik atorfittaalernersoq aperigatsinni uppernarsaarusunngilaq taamaattorli aamma ilumuunnginneraarusunnani.
