USA-p nunatsinnut aningaasaliissutaani aatsitassaqarneq ukkatarineqarnerussasoq, Berlingske allappoq.Assi: Adamie Delisle Alaku

Tusagassiuutit: USA-mit Kalaallit Nunaannut millionit ima atorneqassapput

83 millionit koruunit annerpaartaat aatsitassarsiornermi siunnersuinermut atorneqassasut, Berlingske allappoq.

Aatsitassanik qaqutigoortunik piiaaneq tunisaqarnerlu ainngaasaliinerni, USA-p Kalaallit Nunaanni suliariniagaani, ukkatarineqarnerpaaniarput.

 Berlingske USA-p aningaasaliinerminik qanoq atuiniarneranut ilisimasaqartoq taama allaaserisaqarpoq.

Aningaasat 12,1 millionit dollarsit – tassa danskit koruuninngorlugu 83 millionit koruunit – ataasiartumik aningaasaliinerupput, taakkulu 2020-mi 2021-milu atorneqassapput.

AAMMA ATUARUK Kim Kielsen: USA-p aningaasaliissutitik namminneq aqussavaat

Aningaasat amerikamiut siunnersuinerannut atorneqassapput, tassanilu nunatsinni aatsitassaqarnermik takornariaqarnermillu suliaqarneq kalaallinullu inuusuttut ilinniartinneqarnerat pitsanngorsarneqassapput.

8,6 millionit dollarsit Belingskep allaaserisaa naapertorlugu nukissiuuteqarnermut aatsitassaqarnermullu susassaqarfimmut atorneqassapput. Siunnersuineq nunatta pinngortitamit isumalluutinik qanoq atorluarnerpaasinnaaneranut tunngassaaq.

Taava aamma nunap pissusia nunallu qanoq ittuussusia pillugit paasissutissanik passussinermut, GEUS-ip, tassa Danmarkimi Kalaallit Nunaannilu ujarassiuut misissuiviata nunatsinnut maanna ikiorsiissutigisartagaanik, siunersuisoqartassaaq

Takornariaqarnermut 750.000 dollarit

Takornariaqarneq aamma millioninngassaaq. 

750.000 dollarit – tassa 5 millionit koruunit – siunnersuinissamut takornarialerinermillu ilinniarfimmut atorneqassasut, Berlingske allappoq.

Kalaallit inuussutissarsiortut amerikamiut inuussutissarsiornermut ministereqarfiata ataani inuussutissarsiornermut pilersaarummut peqataallutik aamma pikkorissarsinnaassapput.

Taanna 300.000 dollarinik aningaasartaqarpoq, nunaqarfinnilu takornariaqarnermut assartuinerullu ineriartortinnissaanut 600.000 dollarit atorneqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat