Tusagassiuutit: Upernaami ataatsimiittoqaannassaaq
Upernaamut ataatsimiittoqarnissaa, Inatsisartut Siulittaasoqarfiata Inatsisartuni ullumi ataatsimiinnermi aalajangerpaa.
- Malittarisassat atuutsinneqarnissaannut pisariaqartut suliarinissaannut annikinnerusumik ingerlanneqassaaq, Vivian Motzfeldt Sermitsiaq.ag-mut oqarpoq.
Upernaakkut ataatsimiinnissaq pillugu isumaqatigiinngittoqartoq
Upernaakkut ataatsimiinnissaq pillugu piffissami sivitsortumi isumaqatigiinngittoqangaatsiarpoq. Naalakkersuisummi siulittaasuata, Kim Kielsenip (S) ataatsimiittoqarnissaa kissaatiginagu oqaatiginikuuaa - tamannalu ukiamut kinguartinneqartariaqarsoraa.
Inatsisartulli siulittaasuata, Vivian Motzfeldtip upernaakkut ataatsimiinnerup ingerlanneqarnissaa kissaatigaa. Kissaataalu maanna piviusunngulerpoq.
AAMMA ATUARUK Illuatungiliuttut: Upernaaru ataatsimiitsiarta
Taassuma ataatsimiinnerup maajip ulluisa 17-ianni aallartinneqarnissaa KNR-imut oqaatiginikuuaa.
- Inatsisartut ataatsimiissanerlutik ataatsimiissannginnerlutilluunniit kisimik aalajangiisussatuaapput, Vivian Motzfeldt apriilip ulluisa arfineq-pingajuanni oqarpoq.
