Sermitsiaq.ag naapertorlugu Karl Kristian Kruse, aalisariummik nutaamik pisinissaanut siorna 332.000 kr-nik tapiiffigineqarpoq. Aalisarnermut naalakkersuisuusimasoq alla, Nikkulaat Jerimiassen Sermitsiaq naapertorlugu aamma aalisariummik nutaamik pisinissamut 265.000-it missaannik tapiissigineqarpoq.Assi: KNR

Tusagassiuutit: Politikerit pisortanit tapiiffigineqarlutik aalisariutersisut

Aalisarnermut naalakkersuisoqarfiup Siumumit politikerit nuiumasut pingasut aalisariutimik pisinissamut 800.000 koruunit missaannik tunissuteqarpoq.

Namminersorlutik Oqartussat Siumumit politikerinut nuimasunut pingasunut aalisartunut aningaasaliissutinit 800.000 koruuninik tapiiffigineqarsimapput.

Aviisi, Sermitsiaq.AG taama allaaserisaqarpoq.

Aviisimi naapertorlugu Siumumi siulittaasup tullia aamma Aalisarnermut naalakkersuisuusimasoq Karl Kristian Kruse, aalisariummik nutaamik Poca 770-mik pisinissaanut siorna 332.000 kr-nik tapiiffigineqartut ilagaat.

Aalisarnermut naalakkersuisuusimasoq alla Nikkulaat Jeremiassen Poca 770-mik pisinissamut 265.000 koruuninik 2016-mi tapiiffigineqartoq, aviisi allappoq.

AAMMA ATUARUK Kim Kielsen sakkortuumik isornartorsiorneqarnerminut akissuteqarpoq: Tusaatissatut tiguneqarpoq

Henrik Fleischer Inatsisartut aalisarnermut ataatsimiititaliaani maannakkut sulittaasuusoq, Poca 770-mik nutaamik pisinissamut 200.000 koruuninik ukioq taanna tapiiffigineqarpoq.

Inuit Ataqatigiit tapiissutit tunniunneqarnerisa suliarineqarneranni assigiinngisitsisoqarsimasorigamikku Inatsisartut kukkunersiuinermut ataatsimiititaliaq suliamik sukumiisumik misissuisikkusukkaat aviisi allappoq.

Tapiisarnermut qinnuteqaatit allaffisornikkut suliarineqarlutillu aalajangiiffigineqartarmata politikkikkut akuleruffigineqanngitsumik, aalisarnermut maalakkersuisoqarfik nittartakkamini allappoq, .

sinerissap qanittuani aalisariutit teknikkikkut pisoqaassutsikkullu ajorsiartornerat malillugu ingerlaavartumik taarsersornerannut nutarternerannullu tapiissuteqarsinnaaneq Naalakkersuisut aalisartunut aningaasaliisarnerannut siunertaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat