Tamatuma saniatigut nunap immikkoortuini tamangajanni nutaamik tunillaassuuttoqaqqilernera aarlerisaarutigineqarpoq.Assi: Atta Kenare/AFP/Ritzau Scanpix

Tusagassiuutit: Iranip coronamik toqquteqartut amerlassusaat ikilisarai

Kisitsisit saqqummiunneqartut naapertorlugit Iranimi coronamik ersiuteqarlutik toqusut juulip ulluisa 20-anni 42.000-iupput. Iranimi naalakkersuisut 14.405-it nalunaarutiginikuuaat.

Iranimi coronavirusimik toqquteqartut iligimagisamit pingasoriaammik amerlanerusinnaapput. Kisitsisimmi Iranimi oqartussanit maannamut saqqummiunneqarsimasut piaaraluni ikinaarneqarsimapput.

Paasissutissat isertuussat saqqummiunneqartut aallaavigalugit BBC-p Iranimi immikkoortortaqarfia taama allaaserisaqarpoq.

Iranimi inuit 42.000-angajaat Covid-19-imik toqquteqarsimasutut Iranimi oqartussanit juulip ulluisa 20-anni kisitsisaatigineqarsimasut, paasissutissat isertuussat saqqummiunneqarsimasut takutippaat.

Kisitsisit pisortatigoortut Iranimi peqqinnissaqarfimmut taamanikkut saqqummiunneqartut takutikkaluarpaat inuit 14.405-it Covid-19-imik Iranimi toqquteqarsimasut. BBC Ritzauilu taama allaaserisaqarput.

Coronavirusimik Iranimi tunillanneqarsimasut oqartussat nalunaarutigisaattut ikitsiginngitsut paasissutissat takutippaat, inuimmi 278.827-t tunillanneqarsimasut nalunaarutigineqarmat, naak 451.024-ugaluartut.

AAMMA ATUARUK Iranip parnaarussat 54.000-it nualluummut akiuinermi iperarallarai

Tamatuma saniatigut paasissutissanit saqqummiunneqartunit coronamik tunillatsittoq siulleq januaarip ulluisa 22-anni paasineqartoq allassimavoq. Tamanna irani oqartussat pisortatigut nalunaarutigisaanit qaammatip ataatsip missaanik siusinneruvoq.

Iranimi tunillatsittut annikitsumik ikiliartoreerlutik sapaatini akunnerni kingullerni nutaamik amerliartoqqittut, nutaarsiassaqartitsivik AFP allappoq.

Tunillatsissimasut qaammatip ataatsip ingerlanerani aatsaat taama amerlatigisut sapaatiummat nalunaarutigineqarput.

Tamatuma saniatigut nunap immikkoortuini tamangajanni nutaamik tunillaassuuttoqaqqilernera aarlerisaarutigineqarpoq.

BBC naapertorlugu pissusissaanngitsumik iliortoqarnera nuna tamakkerlugu nunallu immikkoortuinit siusinnerusukkut nalunaarutigineqarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat