Tusagassiuutit aningaasaateqarfissaannik siunnersuut itigartinneqarpoq
Siunnersuutip tapersersorneqannginnera nassuerutigaara Demokraatit aningaasaqarnermut oqaaseqartartuat aningaasaateqarfiliornissamillu siunnersuuteqartoq Niels Thomsen oqarpoq.
Siunnersuut naalakkersuisoqataasunit Inuit Ataqatigiinnit illuatungiliuttullu partiivinit Siumumit Atassummillu itigartitsissutigineqarpoq.
Tusagassiuutinut aningaasaqarfik 6 millione koruuninik aningaasaateqartussatut Demokraatinit siunniunneqaraluarpoq. Taakkunannga 3 millione koruunit KNRimut aningaasaliissutigineqartartut aningaasaateqarfimmut nuunneqarnissaat siunnersuutigineqarluni.
Paasivara siunnersuutigineqartoq tapersersorneqanngitsoq. Tamannali tupigusuutigaara, taannami tusagassiorfiit ikiorserniarlugit maannakut siunnersuutituaammat, Niels Thomsen oqarpoq. Neriupporli allatut isikkulerlugu ikiorsiiniarnissaq tapersersorneqarumaartoq.