Tusagassiuutini oqaatsivut
Ruth Heilmann: Tusagassiuutit oqaatsitsinnik atuinerusariaqarput.
Aviisit kalaallisut naqitat aamma kalaallisut radioaviisi. Tusagassiorfiit oqaatsitsinnik atuiffiunerusariaqarput, taama isumaqarpoq Ruth Heilmann, Siumut.
Tusagassiuutit ullumikkut Inatsisartuni oqallisigineqarneranni Ruth Heilmannip oqaatsitta tusagassiorfinni pingaarnertut atugaasariaqarnerat erseqqissarpaa, innuttaasut taamaalillutik radiumi oqaatigineqartunut aamma aviisini allaaserineqartunut paasinnilluarneruniassammata.
Peqatigitillugu Ruth Heilmann kajumissaarivoq Nunatsinni aviisinik pilersitsisoqartariaqartoq, kalaallisut oqallinnermik ingerlatsisunik. “Tusagassiuutit taamaattut piaartumik pilersinneqartariaqarput”, Inatsisartuni oqallinnermi Ruth Heilmann taama oqarpoq.