Timmisartuaqqat ungasianiit aquttakkat Issittumi sulerisoqarneranik nakkutilliissutaalissasut, Altinget Arktis allappoq.

Tusagassiuut: Timmisartuaqqat ungasianiit aquttakkat Kalaallit Nunaanni nakkutilliissutaalissapput

Timmisartuaqqat ungasianiit aquttakkat Issittumi nakkutilliissutaalissapput. Tamanna illersornissamut isumaqatigiissutissap sisamanngorpat saqqummiunneqartussap ilagivaa.

Timmisartuaqqat ungasianiit aquttakkat Issittumi nakkutilliissutaalissapput. 

Folketingimi ilaasortat amerlanerussutillit Illersornissaqarfiup Kalaallit Nunaanni Savalimmiunilu nakkutilliinera pillugu isumaqatigiissusioreersullu, nittartakkakkut tusagassiuut Altinget Arktis taama allappoq. 

Tassa isumaqatigiissutissamut aningaasaliissutit 1,5 milliardit koruuniusut affaat, tassa 750 millionit koruunit timmisartuaqqanik ungasianiit aquttakkanik nakkutilliinermut atussapput.

Timmisartuaqqat ungasianiit aquttakkat qanoq ittut nakkutilliissutaassanersut illersornissamut ministereqarfiup suli aalajanginngikkaa, Altinget Arktis allappoq. Air Greenlandili taakkuninnga nakkutilliisuunissamut neqeroorsimasoq, KNR-ip tusarpaa.

Taakku Issittup imartaani ilaanilu silaannarmiit nakkutilliissutaassapput.

AAMMA ATUARUK Kalaallit Nunaanni nakkutilliinermut isumaqatigiissut piareertoq

Sakkutuut imarsiortut umiarsuaat alapernaarsuutit pigeriigaannit mikinerusunik ungasianiit aquttakkanik timmisartuarartaassasut, Altinget Arktis allappoq.

Aningaasaliissutillu ilarpassui Tuluit Nunaata, Islandip Savalimmiullu akornanni silaannarmi nakkutilliineruliissutissamik Savalimmiuni nutaamik radarertaarnermut atorneqassangatinneqarput.

Isumaqatigiissutissaq sunik imaqarnersoq Københavnimi sisamanngorpat ullaap tungaani nassuiarneqassaaq.

Tamanna sakkutuut Københavnimi inaanni Kastellet-imi tusagassiortunik katersortitsinermi pissasoq, illersornissornissamut ministereqarfik ilisimatitsivoq.

Isumaqatigiissutissaq taanna "Arktis Kapacitetspakke"-mik ateqarlunilu 1,5 milliardit koruuninik saniatigut aningaasaliinertalimmik ilaqartoq, danskit naalagaaffiata illersornissaqarfiata naalagaaffeqatigiinni nakkutilliinerunissaanut tunngaviussaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat