Inuussutissarsiutit

Tusagassiuut: KNAPK-mi pisortaq atorfimminit tunuartitaagallartoq

Piniartut aalisartullu kattuffianni KNAPK-mi pisortaq Tønnes Berthelsen pingasunngormat atorfimminit tunuartitaagallarsimasoq, Sermitsiaq.AG taama allaaserisaqarpoq.
KNAPK-mi pisortap Tønnes Berthelsenip pisortatut tunuartitaagallarnini sunik tunngaveqarnersoq suli ilisimanngilaa. Assi © : KNAPK
Allattoq Helle Nørrelund Sørensen
februaarip 01-at 2021 07:35
Nutserisoq Jaaku Lyberth

KNAPK-mi siulittaasup Henrik Sandgreenip pisortap tunuartitaagallarsimanera tusagassiorfimmut uppernarsarpaa 

Pisortalli tunuartitaagallarsimanera pillugu Henrik Sandgreen itisilinerusunnagu Sermitsiaq.AG-mut oqarpoq, pisorli ilungersunartuusoq, inunnullu ataasiakkaanut tunngassuteqartoq taanna oqarpoq. 

Tønnes Berthelsen aviisimut Sermitsiaq.AG-mut oqarpoq, soraarsitaagallarsimanini paasisinnaanagu. 

-  MIsissuisoqartussaasoq paasitinneqarpunga.  

- Sunali pineqarnersoq paasitinneqanngilanga, Tønnes Berthelseni Sermitsiaq.AG-mut oqarpoq.

Tunuartitsigallarnerlu aningaasanut tunngassuteqanngitsoq paasitinneqarsimalluni, Tønnes Berthelsen aviisimut taama oarpoq. 

KNAPK-ip siulittaasuata Henrik Sandgreenp neriuutigaa, KNAPK-mi ulluinnarni aqutsisut marlunngornermi ataatsimiikkumaartut pineqartorlu oqaluuseralugu. 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk