Tusagassiortut suliumajunnaarnissamik ilimasaarisut
Tusagassiortut kattuffiat Dansk Journalistforbund nunatsinnilu Tusagassiortut Peqatigiiffiat suliumajunnaarnissamik ilimasaaruteqarput.
Suliumajunnaartoqassappat, tamanna pissaaq februaarip 25-anniit.
Suliumajunnaarnermit eqqugaassapput Naaminersornerullutik Oqartussani aammalu Nuup Kommuniani paasissutissiisarfiit kiisalu KNR Radio aamma TV. Tusagassiortut aallakaatitassiornermilu teknikerit katillugit 50-it suliumajunnaarnermi peqataassapput.
Suliumajunnaartoqassappat KNR-mi immikkut ittumik nutaarsiassanik aallakaatitsisoqartassaaq, tassa KNR-mi aallakaatitsinermut pisortat, ilinniartut tusagassiortullu peqatigiiffiannut ilaasortaanngitsut radiukkut TV-kullu nutaarsiassanik aallakaatitsisassasut, KNR-ip qullersai ilisimatitsipput.
Namminersornerullutik Oqartussat tusagassiortullu peqatigiiffiata akissarsiat pillugit isumaqatiginninniarnerinut suliumajunnaarsinnaaneq attuumassuteqarpoq. Isumaqatigiinniarnerit unittooqqareerlutik februaarip 22-anni aallarteqqissapput.
