Tusagassiortut marluk parnaarussassanngorput

Amerikamiut tusagassiortut arnat marluk Korea Avannarlermi ukiuni aqqaneq marlunni parnaarussassanngorlugit eqqartuunneqarnerat, USAp præsidentiata Barack Obamap aarleqqutigaa.
juunip 08-at 2009 17:09

Arnat taakku marluk, Korea Avannarliup killeqarfia qaangerlugu qimaasut pillugit paasissassarsiuleruttortut tigusarineqarput, ukiunilu aqqaneq- marlunni sulisitaasussanngortillugit pillarneqarlutik. Eqqartuunneqarnerat eqqartuussivimmut qulliunerusumut ingerlateqqinneqarsinnanngilaq, taamatullu pillagaaneq sakkortuvoq, Korea Avannarleq pillugu immikkut ilisimasalik, Geir Helgesen, Danmarkip Radioanut oqarpoq.

Korea Avannarlermi parnaarussassanngorlugit pillarneqartarneq sakkortuvoq. Kikkulluunnit parnaarussaanissamut kissaatigisaqanngillat, parnaarussaasummi amerlanersaat aniguineq ajorput, taamaattumillu killeqarfimmik qaangiilluni pineqaatisiineq sakkortoorujussuuvoq.

Korea Avannarleq pillugu immikkut ilisimasalik, Geir Helgesen, Danmarkip Radioanit apersorneqarluni oqarpoq.