Tusagassiortup iperagaatinneqarnissaa piumasaraat
Allattoq Mads Lynge
Tusagassiortup tuluit tv-qarfissuanit BBC-meersup musliminit ingasattajaarnianit aallarussisimasunit iperagaatinneqarnissaa Gazami aqutsisunngorsimasunit Hamasikkunnit piumasarineqarpoq.
Tusagassiortoq tigummineqartoq tassaavoq Alan Johnston, marsip ulluisa aqqaneq-aappaanni aallarunneqarpoq.
- Iperagaatinneqanngippat pisinnaasarput tamaat atorlugu aniguitinniarsarissavarput, Hamasikkut oqarput, Alan Johnstonillu unnuap-qeqqartinnagu iperagaanissaa piumasaralugu.
Alan Johnston kikkunnit aallarunneqarsimanersoq sukumiinerusumik ilisimaneqanngilaq, Islamilli Sakkutuuisut imminnut taagortut aallarussisuunerarput.