Tusagassiortoq 30.000 koruuninik tunineqartoq

Tusgassiortoq Isak Kleist ukioq manna inatsisartut tusagassiortunut aningaasaateqarfianit 30.000 koruuninik tunineqarpoq, ilaatigut aallakaatitassianik soqutiginartunik marlunnik suliaqarnissaminut atugassaminik, tamanna Namminersornerullutik Oqartussat paasissutissiisarfianit nalunaarutigineqarpoq. Inatsisartut siulittaasuata Jonathan Motzfeldt perngaammik 30.000 koruunik aningaasartalinnik inatsisartut tusagassiortunut aningaasaateqarfiannit tunniussaqartuuvoq.

Isak Kleistip aningaasat pissarsiani TV-kkut soqutiginartunik aallakaatitassiornissaminut atussavai.

Suliassamini kalaallit namminersulernissaannut danskit partiivisa isumaasa qanoq ittuunerannik sapinngisamik ersersinniassallugu. Soorlu assersuutigalugu danskit partiivisa tungaanniit tungaanniit isigalugu namminersulernissamut suut killigititassatut isigineraat. Aamma aallakaatitap aappaani ersersinniassavaa qallunaat inuussutissarsiornerminni Kalaallit Nunaanni aatsitassarsiornikkut qanoq soqutiginnitsiginersut.

Soqutiginnillutik aningaasaateqarfimmut qinnuteqarsimasut allat paasiniarumagaanni Namminersornerullutik Oqartussat nittartagaanni atuarneqarsinnaavoq, nanoq naggat gl-ikkut.